I-Тыыллыма нэһилиэгэр Кулун тутар 3 күнүгэр A.М. Алексеев аатынан культура дьиэтигэр, 68 төгүлүн ыытыллар Культура уонна спорт эстафетатын олоҕурбут тутулунан оһуохай түһүлгэтэ буолан ааспыта Лоомтукалар мэҥэлии оһуохай талбалаах мааны түһүлгэтин төрүттээн, куйаары кытары көстүбэт айылгылаах ытык ситим силигин ситэрдилэр. Бу күн үҥкүү тылын таһаарбыт Рада Алиева, Николай Васильев, Валентина Никифорова бары лауреат аатын ыланнар, Оһуохайбыт …
🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔸 “ТӨРӨӨБҮТ ТЫЛ, СУРУК-БИЧИК ТӨЛКӨЛӨӨХ КҮНЭ» Бүгүн олунньу ый 13 күнүгэр Дьокуускайдааҕы А.Е.Кулаковскай-Өксөкүлээх Өлөксөй аатынан норуоттар доҕордоһууларын дьиэтигэр Сахабыт Сиригэр «Төрөөбүт тыл, сурук-бичик» күнүгэр аналлаах “ТӨРӨӨБҮТ ТЫЛ, СУРУК-БИЧИК ТӨЛКӨЛӨӨХ КҮНЭ»дьоро тэрээһин ыытылынна. Гаврииь Еолесов аатынан Олоҥхо Дьиэтир салайааччыта Евдокия Иванова салайыылаах Мэҥэ Хаҥалас улууһун делегацията «Төрөөбүт тылы үөрэтиигэ уларыйыылар» төгүрүк остуолга кыттыыны ыллылар.»Ыччат таптыыр Саха Тыла» дьоро киэһэҕэ Олонхо баттл-2024 муҥутуур кыайыылааҕа, СР культуратын туйгуна, СР үтүөлээх этээччитэ Аксиния Степанова ыччат дьоҥҥо кэс тыл эттэ, кылыгас кылыһахтаах добун тойугун туойда, 1 Тыыллыматтан олоҥхону толорооччу, үгүс түһүлгэ кылаан кыайыылааҕа, СР культуратын туйгуна, СР Дархан этээччитэ Виталий Никифоров П.А.Ойуунускай » Дьулуруйар Ньургун Боотур» олоҥхотун толордо, Майатааҕы В.П.Ларионов аатынан орто оскуола учууталлара Ульяна Ефремова, Валентина Кривошапкина чыыбы-чаабы чабырҕахтарынан дьон биһирэбилин ыллылар, маны таһынан чабырҕаҕы толорууга үөрэтэр оҕолорун кытары маастар-кылаас ыыттылар, түһүлгэ оһуохайын Дьабыыл нэһилиэгиттэн алгысчыт, СР Дархан этээччитэ Денис Оконешников, Төҥүлүттэн, Сибэкки Заровняева, 1 Тыыллыматтан Виталий Никифоров оройуттан туттулар. Ытыктыыр, тумус туттар дьоннорбут: Томтор нэһилиэгиттэн алгысчыт, Дархан олоҥхону толорооччу Петр Тихонов -Тэрчи, албан ааттаах «Кыталык» народнай ансаамбылы төрүттээбит РФ , СР культуратын туйгуна, «Душа России” национальнай бириэмийэ лауреата Василий Винокуров-Кыталык Баһылай бар дьон иннитигэр тахсан төлөннөөх эҕэрдэлэрин, кэс тылларын эттилэр, хомоҕой хоһоон аахтылар. Бу курдук Сахабыт Сиригэр Төрөөбүт тылбыт, сурук-бичик күнүгэр ыытыллыбыт киэҥ түһүлгэни Мэҥэ Хаҥалас улууһун уран тыллаах, добун тойуктаах, омуннаах олоҥхолоох, оһуохай аргыстаах ыччаттара, ытыктанар дьоммут киэргэттилэр, тэрээһин таһымын үрдэттилэр!
«ОЛУК» УОЛ ОҔО ТҮМСҮҮТЭ
Тохсунньу ый 29 күнүгэр улуустааҕы «Олук» уол оҕо түмсүүтэ кэлэн, күн бастакы аҥарыгар А.М.Алексеев аатынан култуура дьиэтигэр, күн иккис аҥарыгар С.З.Борисов аатынан Тыыллыма орто оскуолатыгар уол оҕону иитиигэ аһаҕас кэпсэтиилээх, күрэхтэһиилээх тэрээһини ыытта. Тэрээһиҥҥэ кыттыыны ыллылар: Мэҥэ Хаҥалас улууһун баһылыгын маҥнайгы солбуйааччыта Михайлов Василий Васильевич Мэҥэ Хаҥалас улууһун үөрэҕириитин салалтатын начальнигы солбуйааччыта Петров Михаил Васильевич …
ОБРАЗОВАНИЕ 150
Тохсунньу 24 күнүгэр үөрэҕирии сылыгар аналлаах «Үөрэҕии Эркээйилээх суолунан «диэн тэрээһиҥҥэ чиэстээтилэр.Түмүктүүр тэрээһиҥҥэ Харатааҕы кустовой методическай холбоһук бэтэрээн учууталлара ,уһуйаан иитээччилэрэ кэлэн кыттыыны ыллылар.
Две Звезды!!!
Тохсунньу 11 күнүгэр биһиги нэһилиэкпитигэр эргэ Саҥа дьылы көрсө, Олус интириэһинэй, ырыа-тойук киэһээтэ «Две Звезды» куонкурус буолан ааста. Ол курдук культура дьиэтин исписэлиистэрэ наставник буоланнар иккилии кыттааччыны бэлэмнээн куонкуруска кытыннардылар. Бу куонкурус 4 түһүмэхтэн турда 8 конкурсант кыттыыны ылла. Дьүүллүүр сүбэҕэ Мэнэ Ханалас улууһун культураҕа уонна духобнай сайдыыга салалтатын специалистара Наталья Гаврильевна Пахомова, Прокопий Серафимович …
Дарханнар Дарханнара Михаил Михайлович Евсеев- Кураһаай Мэхээлэ 75 бэлиэ сааһыгар аналлаах «Куйаар уола Кураһаай түһүлгэтэ» республикатааҕы оһуохай күрэҕэ
Куйаар уола Кураһаай түһүлгэтигэр ситиһии Аам — даам тымныылаах ахсынньы ый 12-13 күннэригэр Дьокуускай куорат Арчы Дьиэтигэр СР култууратын туйгуна, «Норуот уус-уран айымньытыгар кылаатын иһин» бэлиэ хаһаайына Сунтаар улууһун уонна Түбэй нэһилиэгин ытык олохтооҕо, Саха Сирин Дархан оһуохайдьыта, Бүлүү бөлөх улуустарын Дарханнар Дарханнара Михаил Михайлович Евсеев- Кураһаай Мэхээлэ 75 бэлиэ сааһыгар аналлаах «Куйаар уола Кураһаай …
Константин Ильич Сосин Үбүлүөйдээх 80 сааһын туолла
Арассыыйа суруйааччыларын сойууһун чилиэнэ, СӨ үөрэхтээһинин туйгуна, оҕо литературатыгар Н.Е. Мординов-Амма Аччыгыйа аатынан Судаарыстыбаннай бириэмийэ лауреата, учуутал, оҕо-аймах тапталлаах суруйааччыта, поэт, Мэҥэ-Хаҥалас улууһун, Моорук, Тыыллыма нэһилиэктэрин Бочуоттаах гражданина Константин Ильич Сосин балаҕан ыйын 5 күнүгэр Үбүлүөйдээх 80 сааһын туолла Константин Ильич Верхоянскай куоракка зоотехник дьиэ кэргэнигэр төрөөбүтэ. 1964 сыллаахха Мэҥэ Хаҥалас улууһун Бүтэйдээх орто оскуолатын, онтон 1973 …
Үрүҥ тунах ыһыах
Биһиги нэһилиэккэ Самаан сайыны айхаллыыр,Айгыр баҕаҕы арчылыыр,Итии-куйаас эргийдэ,Илгэ быйаҥ элбээтэ.Сиэллээх ситии киэргэллээх,Чэчир хатыҥ сэлэлээх Чэгиэн чэбдик түһүлгэ тула мустан тураммыт күөхтүүр сайын кэлбитин үөрэ көрүстүбүт.Буоларын курдук долгутуулаах арыллыыбыт алгыс сиэрин-туомун туттубут.Алгыһы таһаарда Өрөспүүбүлүкэ таһымнаах олоҥхо уонна оһуохай Дархан этээччитэ,Уус-Уран салайааччы,Култуура туйгуна, Виталий Никифоров. Ыһыахпыт арыллыыта Тыыллыма өрөгөй ырыатынан саҕаланна. Нэһилиэкпит Аҕа баһылыга Афанасьев Руслан Васильевич …
Үрүҥ-тунах ыһыах
Биһиги нэһилиэккэ Самаан сайыны айхаллыыр,Айгыр баҕаҕы арчылыыр,Итии-куйаас эргийдэ,Илгэ быйаҥ элбээтэ.Сиэллээх ситии киэргэллээх,Чэчир хатыҥ сэлэлээх Чэгиэн чэбдик түһүлгэ тула мустан тураммыт күөхтүүр сайын кэлбитин үөрэ көрүстүбүт.Буоларын курдук долгутуулаах арыллыыбыт алгыс сиэрин-туомун туттубут.Алгыһы таһаарда Өрөспүүбүлүкэ таһымнаах олоҥхо уонна оһуохай Дархан этээччитэ,Уус-Уран салайааччы,Култуура туйгуна, Виталий Никифоров. Ыһыахпыт арыллыыта Тыыллыма өрөгөй ырыатынан саҕаланна. Нэһилиэкпит Аҕа баһылыга Афанасьев Руслан Васильевич эҕэрдэлээтэ уонна «1-кы Тыыллыма нэһилиэгин бочуоттаах олохтоо5о” үрдүк ааты:
— Саха Өрөспүүбүлүкэтин үөрэ5ириитин туйгунугар, Российскай Федерация уопсай үөрэхтээһин бочуоттаах үлэһитигэр, мелолодист, Николай Ребров тылларыгар “Тыыллыма өрөгөй ырыатын”авторыгар Назаров Михаил Николаевичка
— Нэһилиэк урбаанньыгар, меценат Афанасьев Иван Васильевичка
— Саха Өрөспүүбүлүкэтин муниципальнай сулууспатын туйгунугар, Лукина Айталина Кирилловнаҕа.
Ону тэҥэ Ил Түмэн дьокутаата Олег Олегович Марков Саха Өрөспүүбүлүкэтигэр Ийэ тыл сайдыытыгар кылааттарын иһин наҕарааданы Саха Өрөспүүбүлүкэтин үөрэ5ириитин туйгунугар, «1-кы Тыыллыма нэһилиэгин бочуоттаах олохтоо5ор Никифорова Валентина Павловнаҕа, Саха Өрөспүүбүлүкэтин үөрэ5ириитин туйгунугар, Российскай Федерация суруйааччыларын чилиэнигэр, Мэҥэ-Ханалас улууһун, 1Тыыллыма нэһилиэгин бочуоттаах олохтооҕор Сосин Константин Ильичка туттарда.
Үлэни өр сылга өрө туппут биир дойдулаахтарбытын чиэстээтибит.
Кырачаан оҕолорбутугар “сахалыы талба таҥас” көрүүтэ буолла, төрүт үгэстэрин умнубакка бары олус кэрэтик симиммиттэр. Итиэннэ ханнык баҕар ыһыахха оһуохай этиллиэхтээх, бука бары оһуохайдаан ыһыахпыт үөрүүлээх арыллыытын түмүктээтилэр.
Ыһыахпыт иккис чааһа спорт площадкаҕа буолла 4, 5, 6 саастаах кырачаан оҕолорбут сүүрүүгэ (кыыс,уол), ыстаныыга, мас тардыһыыга бэйэлэрин кыахтарынан күрэхтэстилэр. Ол кэннэ оскуола быспастыгас былчыҥнаах уолаттарыгар “Үрүҥ уолан-2024” 6 уол 5 көрүҥҥэ күрэхтэстилэр: 1. Сүүрүү, 2. Өһөс торбос, 3. Хапсаҕай, 4. Мас тардыһыы, 5. Ыараханы быраҕыы. 1кы миэстэни ылары ситистэ Ксенефонтов Ярик, 2с миэстэ Лукин Миша, 3с миэстэ Алексеев Дьулурхан.
Улахан дьоҥҥо сүүрүү кыргыттарга 1кы миэстэ Устинова Эльвира, 2с миэстэ Алексеева Амелия, 3с миэстэ Берзюкова Лия; 70 киилэҕэ дылы мас тардыһыытыгар 1кы миэстэ Шарин Виктор, 2с миэстэ Алексеев Владимир, 3с миэстэ Прокопьев Василий; 70 киилэттэн үөһээ ыйааһыннаахтарга 1кы миэстэ Сосин Анатолий, 2с миэстэ Боескоров Айаал, 3с миэстэ Сокольников Руслан; 70 киилэҕэ дылы хапсаҕай күрэҕэр 1кы миэстэ Шишигин Николай, 2с миэстэ Шарин Виктор, 3с миэстэ Кельцеев Сергей; 70 киилэттэн үөһээ ыйааһыннаахтарга 1кы миэстэ Сосин Анатолий, 2с миэстэ Боескоров Айаал, 3с миэстэ Потапов Петр.
Тыа хаһаайыстыбатын сылын чэрчитинэн Мэҥэ-Хаҥаласка бастакытын ыытыллыбыт “БЕЛОРУСЬ” тыраахтырдар күрэхтэрэ тыҥааһыннаахтык ыытылынна. 1кы миэстэ Афанасьев Иван өр сылларга тыраахтырга үлэлээбитин дьон сэргэ ортотугар бигэргэтэн эрэллэхтик бастаата, 2-с миэстэ Павлов Дмитрий, 3с миэстэ Дмитриев Дьулустаан.Кыттыбыт дьон аймахтара махтанан,эҕэрдэ тылларын эттилэр,сэмэй бэлэхтэрин туттардылар. Эдэр ыалларга Дмитриевтарга сүрүн бирииһи Виктория Дмитриева бэйэтин дьиэ кэргэнин аатыттан ньиирэй бэлэх уунна.Бу сыл ыһыах бэт сэргэхтик түмүктэннэ