1-кы Тыыллыма нэһилиэгэр биир улахан суолталаах күн ааста. Ол курдук, Дьячковскай Прокопий Егорович хас да сыл иитиэхтии сылдьыбыт санаатын өйөөммүт Улуу Тоҕойтон төрүттээхтэр кыттыһан Хатыҥ Ураһаттан 1942 сыллаахха бэс ыйын 24 күнүгэр 23 киһи тэҥинэн сэриигэ ыҥырыллан барбыт сирдэригэр урут турбут өйдөбүнньүктэри саҥардан уонна сэрии сылларыгар Тельман аатынан колхозка үлэлээбит дьоммутугар, төрүттэрбитигэр аналлаах стела оҥоттордубут.
Бу мантан чулуу дьоммут сэриигэ барбыттара диэн эрдэттэн баар өйдөбүнньүк сэргэ аттыгар 1970 сыллаахха Сталинградтан Берлииҥҥэ тиийэ сэриилэспит, «Кыһыл сулус» уордьаннаах Леонтьев Василий Петрович Улуу Тоҕойтон Аҕа дойдуну көмүскүүр Улуу сэриигэ кыттыбыттар ааттарын үйэтитэн алюминийга суруйтаран иккис сэргэ туруорбут. Кыайыы 50 сылынан Скрябина Татьяна Николаевна баһылыктаан, Саввин Василий Петрович ОДьКХ салайар кэмнэригэр саҥардан чугуун билиитэлэргэ ааттарын куттаран, шлакоблогунан стойка оҥотторон ыйаабыттара. Ол үлэтигэр бэйэбит уолаттарбыт: Игнатьев Егор Петрович, Игнатьев Семен Семенович, Дьячковскай Егоров Егорович, Ларионов Тимофей Николаевич, Костромыкин Семен Васильевич үлэлээбиттэрэ.
Сыл-хонук аастаҕын аайы туох барыта эргэрэр, кырдьар. Онон Кыайыы 75 сылынан аныгылыы технологиянан стелабыт оҥоһулунна. Онно кыттыбыт дьоннору билиһиннэриэхпин уонна махталбытын тиэрдиэхпин баҕарабын, бастатан туран биир-биэс кэппиэйкэтэ суох сүүрбүт-көппүт уолаттарбытыгар Василий Петровичка, Прокопий Егоровичка. Мрамор тааска дьоммут хаартыскаларын гравировкалаабыт Еремеев Мичил Ариановичка, тимиринэн стендэлии оҥорон монтажтаан туруорбут Романов Егор Валериевичка, Марков Дьулус Петровичка, хаартыскалары буолталарынан монтажтаабыт Романов Егор Валериевичка уонна киниэхэ көмөлөспүт, Улуу-Тоҕойго биэлсэрдээбит Павлова Татьяна Васильевна бырааттарыгар Вячеслав, Гаврил Павловтарга, тимиринэн күрүө сваркалаан оҥорбут Бөкөттөн «Далбар уус» хамаандата Новгородовтарга.
Тэрээһини иилээн-саҕалаан ыытта кулууп специалииһа Никифоров Виталий Витальевич. Павловскайтан Ульяна Васильевна Дьячковская уот уматан саҕалаата. Киирэр ааҥҥа кыһыл лента кырыйар чиэс бэрилиннэ: баһылык Лепчиков Константин Васильевичка, Прокопий Егоровичка, Василий Петровичка.
Нэһилиэк аатыттан Дьячковскай Прокопий Егоровичка, Саввин Василий Петровичка, Григорьев Дмитрий Павловичка, Еремеев Мичил Ариановичка махтал суруктары туттартаата уонна бүтэһигэр аны Улуу Тоҕойдор тустарынан кинигэ таһаартар кинигэ наадатын эттэ.
Улуу Тоҕойтон төрүттээхтэр ааттарыттан Мария Васильевна Прокопьева махтал суруктары туттартаата. Ол кэнниттэн стела көрүүтэ, хаартскаҕа түһүү. Стела арыллыытын тэрийэн ыыттылар Оксана Гаврильевна Кривогорницына, Василий Петрович Саввин, Мария Васильевна Прокопьева.
Стела оҥоһуута манан бүппэт. 8ссө да ситэриллэ илик үлэлэрдээх, салгыы харчы хомуллан, хаартыскалар хомуллан иһиэхтэрин наада.