Кулун тутар 21 күнүгэр биһиги нэһилиэкпитигэр түөлбэнэн куйуур күрэҕэ Лүкээрики алааһыгар буолан ааста. Ол курдук күрэхпит үс түһүмэхтэн турбута: чэй өрүүтэ, түөлбэнэн куйуурдааһын, эр дьоҥҥо эстафета уонна ойбон тэһиигэ Абсолютнай күрэх дьон көрдөһүүтүнэн киирбитэ.
Түөлбэнэн күрэххэ бастакы миэстэни ылла: «Саһарҕа» түөлбэ, иккис «Кустук», үһүс «Дабаан», төрдүс «Чэбдик».
Бастаабыт түөлбэ көһө сылдьар кубогынан наҕараадаламмыта. Ойбон тэһиитигэр Абсолютный чемпион аатын ылла Леонид Винокуров. Күрэхтэһиини судьуйалаабыт Владимир Маевичка, Валентин Дмитриевичка улахан махталбытын биллэрэбит. Түөлбэ салайааччыларыгар уонна кыттыбыт биир дойдулаахтарбытыгар өссө төгүл эҕэрдэбитин тиэрдэбит.
