Муус устар 12 күнүгэр 1 Тыыллыма нэһилиэгэр быйыл 8 төгүлүн ыытыллар улуустааҕы аҕам саастаах дьоҥҥо аналлаах «Сулустаах эстафета» Россияҕа «Норуоттар культуураларын нэһилиэстибэтин», Саха АССР төрүттэммитэ 100, Саха республикатыгар Ийэ, мэҥэ-Хаҥалас улууһугар «Бигэ туруктаах дьиэ кэргэн» сылларыгар анаммыт уус — уран көрүү бэстибээлэ буолан ааста.
Ломтука, Майа, Хара, Чүйэ, Бөкө нэһилиэктэрин — 1922 сылтан 2022 сылга дылы видеонан нэһилиэктэр историяларын, эҕэрдэ кэнсиэрдэри, уус-уран оҥоһуктар быыстапкаларын көрдүбүт ону таһынан остуол оонньууларыгар хабылыкка, хаамыскаҕа күрэхтэстилэр.
Эстафетабыт түмүгүнэн биһиги нэһилиэкпит «Эбээ сиэнинээн» сценка дипломант, «Тамыл» эр дьон ансаамбыла лауреат, Евдокия Ларионова «Ломтука» диэн ырыатынан лауреат, «Тыыллымаана» үҥкүү ансаамбыла лауреат үрдүк ааттарын сүктүлэр. Спортивнай күрэхтэһиибитигэр хабылыкка, хаамыскаҕа эр дьоҥҥо Попов Владимир Маевич 2 миэстэ, дьахталларга Габышева Мария Петровна 3 миэстэ буоланнар уопсай хамаанданан түмүккэ Ломтука нэһилиэгэ 2 миэстэ буолла.
