1 Тыыллыма нэһилиэгэр аҕам саастаах дьон декадата


Ытыктабыллаах аҕа саастаах дьоммут! Аан дойду үрдүнэн аҕам саастаахтар күннэринэн  итиитик-истиҥник эҕэрдэлиибит!
Кырдьаҕастар аан дойдутааҕы күннэрэ ытыктабыл уонна үгэс эрэ быһыытынан бэлиэтээһин буолбакка, аҕа көлүөнэ дьонугар күннэтэ ахсаабат болҕомто, истиҥ кыһамньы уурарбытын санатар ытык күн буолар. Культура үлэһиттэрэ бу декада устата аҕам саастаах дьоҥҥо күһүн хаһаанар астары түҥэттибит, субботунньугунан көмөлөстүбүт ону тэҥэ 1 Тыыллыма нэһилиэгин культура ветераннарын эҕэрдэлээтибит, сэмэй бэлэхтэри туттардыбыт. Алтынньы ый 10 күнүгэр Арчы балаҕаныгар декада сабыллыытын ыыттыбыт. Ветераннарбыт Аал уот иччитин аһатан алгыс ыллылар, ирэ хоро кэпсэтэн, итии чэй иһэн, сынньанан бардылар.

Добавить комментарий

Ваш адрес email не будет опубликован. Обязательные поля помечены *