Сэтинньи ый 9 күнүгэр «БАЙАНАЙ АЛГЫҺА» тэрээһин буолан ааста.
Бу тэрээһин икки чаастан турда ол курдук бастакы чааһыгар эр дьоммут, уонна үрдүкү кылаас оҕолоро Алгыс ыллылар, Мария Васильевна Прокопьева минньигэс алаайынан күндүлээтэ, тэрээһин устатын тухары итии үүттээх чэй дэлэй иһилиннэ. Байанай ыйын сиэрин туомун туһунан Владимир Маевич Попов кэпсээтэ, полиция старшай участковай капитана Тимофеев Виталий Иннокентьевич бултуурга туох сокуоннар баалларын, саа ылыы сокуоннарын билиһиннэрдэ, Борисов Валентин Дмитриевич саа араастарын көрдөрдө, илдьэ сылдьарга сэрэхтээх буолууну кэпсээтэ, Кострамыкин Семен Васильевич туһахтар тустарынан, биир дойдулаах булчуттарбыт туһунан, урут төһө элбэх күндү түүлээҕи, куобаҕы хайдах бултуулларын туһунан олус интириэһинэйдик кэпсээтэ.
Тэрээһин иккис чааһыгар оҕолорбутугар күрэхтэһии буолла ол курдук сыал ытыы, кырынаастааһын, хабылык, викторина. Күрэхтэһии түмүгүнэн
1 миэстэни ылары ситистэ Лукин Миша
2 миэстэни ылла Григорьев Павел
3 миэстэ буолла Иванов Харысхан
Бары кэлбит, кыттыбыт уонна тэрээһини тэрийсибит дьоммутугар улахан махтал!
Бэтэрээн сэбиэтин бэрэссэдээтэлэ Прокопьева Мария Васильевна.
Байанайдаах ыйбытын
Бэлиэтиир киэһэҕэ,
Байанай алгыһын
Билиҥҥи көлүөнэҕэ
Бэлэхтээн аастыбыт.
Алгыстаах алаадьынан
Айах тутан күндүлээн,
Алгыс баһын сыалаан
Айхаллаан,уруйдаан
Аартыкпытын астыбыт.
Саха мындыр өйүнэн
Сатабылын көрдөрөр,
Сылбырҕатын биллэрэр
Сиэрин- туомун тутуһар
Сүргэҕэ уһуйудубут.
Сахалар дьылҕабыт
Айылҕалыын ситимнээх,
Сиртэн, буортан силистээх
Айдарыллан кэлэммит
Сүрбүт- кутпут бөҕө.
Өбүгэбит үөрэҕин
Өрүү өрө тутаммыт,
Кэриэстээммит үйэтитэн
Көлүөнэттэн көлүөнэҕэ
Көҕүлээн иһиэҕиҥ! 09.11.2023 с. М.Ларионова- Мари.