Киин хочуолунай үлэҕэ киириитэ икки бүк үөрүүлээх түгэн. Бастатан туран саҥа тутуу дьэндэйэр, иккиһинэн ыаллар сылаас дьиэҕэ нус-хас олорор усулуобуйалара оҥоһуллар. Дьэ маннык кэрэ бэлиэ түгэн Лоомтукаҕа тосхойдо. Олохтоохтор үөрүүлэрин үрдүкү салалта үллэһиннэ, истиҥ эҕэрдэтин тириэртэ.
Саҥа хочуолунай буруота унааран, кэскили кэрэһэлээн лоомтукалар үөрүүлэрэ үрдүк. “Кыбартаалынай” диэн ааттанан үгүс ыалы итиигэ холбообут хочуолунай үөрүүлээх арыллыытыгар кыттыыны СӨ олох-дьаһах хаһаайыстыбатын уонна энергетикатын миниистиэристэбэтиттэн, биир дойдулаахпыт, *Егор Витальевич Никифоров*, Мэҥэ-Хаҥалас улууһун тутууга баһылык солбуйааччыта *Василий Валерьевич Филиппов*, ООО ЖКХ Альтернатива генеральнай дириэктэрэ *Иннокентий Николаевич Николаев* үөрүүбүтүн үлэһиннилэр. Олохтоох нэһилиэнньэ аатыттан «Чэбдик» түөлбэ салайааччыта *Варвара Васильевна Дьячковская* олус үөрэн туран улууспут, нэһилиэкпит салалтатыгар, ООО «ЖКХ Альтернатива» бары үлэһиттэригэр махтанна.
Бу күн хочуолунай тутуутугар, итии ситимин таппыт үлэһэһиттэрбитигэр махтанан туран наҕараадалары туттулардылар.
Чахчы да улахан, киэн-куоҥ хочуолунайга үлэлиир үчүгэй бөҕө буоллаҕа. Хачыгаардар бары да астыналларын, үлэлииргэ үчүгэйин бэлиэтииллэр.
Олохтоох дьаhалта.
