2014 сылга, 10 сыл анараа өттүгэр, биир дойдулаахпыт, убайбыт Владимир Петрович Ларионов тэрилтэтин Наука Саха Сиринээ5и салаатын кытта до5ордуу сибээһи бөҕөргөтөр сыалтан спортивнай көрүҥнэргэ күрэхтэһии са5алаабыппыт. Наука үлэһиттэрэ, эдэр ученайдар спортка сүрдээх көхтөөхтүк кытталлар этэ. Ааспыт сылларга ити күрэх тохтуу сылдьыбыта. Онтон былырыын эдэр эрчимнээх улэһиттэр, Ил Тумэн депутаттара ЯНЦ СО РАН генеральнай директорын солбуйааччыта Т.Н. Скрябин уонна НВК «Саха» генеральнай директора О.О.Марков кэҕүлээһиннэринэн ити традиционнай күрэх 3 хамаанда кыттыылаах салҕанан, иккис тыыннанан, саҥа формаланан, профориентационнай үлэ, концертнай программа эбиллэн үрдүк таһымнаахтык иккис төгүлүн ыытылынна.
Спорт 5 көрүҥэр: Волейболга (уолаттар, кыргыттар), дартска, салгын саатынан ытыыга, остуол тенниһигэр уонна канат тардыһыытыгар күрэхтэстибит.
Түмүккэ: 1 миэстэ – ЯНЦ СО РАН, 2 миэстэ –Ломтука, 3 миэстэ – НВК «Саха» таҕыстылар. ЯНЦ хамаандата көһөрүллэ сылдьар Кубок хаһаайына буолла.
Күрэхтэhии сүрдээх хатыhыылаахтык барда. Ыалдьыттарбыт Дьокуускай куоракка трудовой коллективтар истэринэн күрэхтэhиигэ наар кыттар буоланнар бэлэмнээхтэрин көрдөрдүлэр. Хайа баҕар күрэхтэһиигэ Лоомтукабыт чиэhин көмүскүүр күндү спортсменнарбытыгар түгэнинэн туһанан махталбытын тиэрдэбит.
Ыалдьыттары көрсүүгэ, күрэхтэhии миэстэтин бэлэмнээбит, күрэхтэhии ыытыытыгар көмөлөспүт, ыалдьыттары итии аһылыгынан хааччыйбыт оскуола коллективыгар, чуолаан Ксенофонтова Е.Н., Лукин П.И., Егорова Д.В. тэрийээччилэр уонна ыалдьыттар ааттарыттан бар5а махталбытын тиэрдэбит. Сүрүн тэрийээччи ыччат лидера Федорова Мария Анатольевна күрэхтэһии ыытыытыгар буспутун-хаппытын, үөрэммитин көрдөрдө. Күрэхтэһии аһыллыытын, сабыллыытын, музыкальнай сопровождениетын кулууб үлэһиттэрэ (дир. Никифорова Ю.Г.) ыыттылар. Спорт ветерана Попов Владимир Маевич комментатордаан күрэхтэһии сэргэхтик ааспытын бэлиэтиэххэ наада. Күрэхтэһиилэр судьуйаларынан волейболга физкультура учууталлара Дмитриева А. М. Олесов И. А., остуол тенниһигэр Аргунова Н.В., салгын саатынан ытыыга Костромыкин С.В., Дарска ыалдьыттарбыт ЯНЦ-лар, Канатка Прокопьев К.В. үлэлээтилэр, махталбыт муҥура суох.
Киэhэтин Саха «НВК» айар бөлөҕүн кэнсиэрин саҕаланыаҕыттан бүтүөр диэри биир тыынынан көрдүбүт. Талааннаах киhи барытыгар дэгиттэр дииллэринии күөх экран нөҥүө көрөр ыытааччыларбыт, передача уhулар оператордар, редактордар ылбаҕай ырыаларын астына иhиттибит.
Родион Юрьевич Кривогорницын олохтоох библиотекаҕа саҥа тахсыбыт « История бокса Якутии» кинигэни бэлэх уунна.
Концерт бүтэhигэр НВК «Саха» генеральнай директора, Ил Түмэн депутата Олег Марков «Үөрэн-көтөн эhиил көрсүөххэ диэри»диэн эттэ. Онон эмиэ эhиил баччаларга өссө үчүгэйдик үрдүк таhымҥа ыалдьыттарбытын көрсүөхпүт. Күндү Лоомтукабыт олохтоохторугар, спортивнай күрэххэ кэлэн спортсменнарбытыгар ыалдьыбыккытыгар, концертка кэлэн сылаас ытыскыт тыаhыгар барҕа махталбытын тиэрдэбит.
Олохтоох дьаhалта. Муус устар 5 күнэ.









