I-Тыыллыма нэһилиэгэр

Кулун тутар 3 күнүгэр A.М. Алексеев аатынан культура дьиэтигэр, 68 төгүлүн ыытыллар Культура уонна спорт эстафетатын олоҕурбут тутулунан оһуохай түһүлгэтэ буолан ааспыта Лоомтукалар мэҥэлии оһуохай талбалаах мааны түһүлгэтин төрүттээн, куйаары кытары көстүбэт айылгылаах ытык ситим силигин ситэрдилэр. Бу күн үҥкүү тылын таһаарбыт Рада Алиева, Николай Васильев, Валентина Никифорова бары лауреат аатын ыланнар, Оһуохайбыт 4,19 баалынан сыаналанна.

Уус – уран оҥоһук быыстапкатыгар быйыл 219 оҥоһук туруорулунна. Манна ордук уратытык алтантан оҥоһуктар, дьиэ макетын оҥоһуктара көһүннүлэр. Салгыы дьүүллүүр сүбэ сүрүн болҕомтону оҥоһуктары олоҕурбут саха төрүт оҥоһуктарын оҥоруу ньыматыгар тирэнэн хаачыстыбатын тупсарыыга үлэлэһэллэригэр баҕа санатын эттэ. Лауреат аатын Михаил Васильевич Назаров, Татьяна Ивановна Алексеева, Валентина Павловна Никифорова, «Иис кута» түмсүү, Сергей Афанасьевич Игнатьев ыллылар. Дипломаннарынан буоллулар Валентина Еремеевна Бурнашева, Константин Васильевич Лепчиков, Михаил Иванович Назаров, Матрена Петровна Кривогорницына, Клара Петровна Охлопкова, Мария Васильевна Прокопьева, Михаил Дмитриевич Васильев, Алена Аркадьевна Иванова  Быыстапкабыт 4,0 баалынан сыаналанна.

Кулун тутар 5 күнүгэр I-кы Тыыллыма алгыстаах сириттэн күлүмнүүр 68-с В.К. Степанов аатын сүгэр култуура уонна спорт эстафетатын былааҕын күөрэччи көтөҕөн Хочо нэһилиэгэр тиксэрдилэр. Лоомтука уус – уран самодеятельноһын кэнсиэригэр Лауреат үрдүк аатын дьүүлүүр сүбэ ытыс тыаһыгар доҕуһуоллатан «Тэтим» үҥкүү бөлөҕө «Чохчоохой» үҥкүү толоруута, «Дьиэрэҥкэй» үҥкүү толоруута, Иван Назаров, Николай Васильев, «Тамыл» эр дьон ансаамбыла, Леонид Винокуровка баяҥҥа доҕуһуолун иһин, фольлор бөлөҕөр «Кыыс Дэбилийэ» олоҥхоттон «Арчы Алгыһа», уус – уран ааҕыы коллективыгар «Өрөгөй үөрүүтүн билэбит» уонна «Ыччат сахаларга» ыччат финальнай блогун туруоруутугар туттарылынна, Дипломаннарынан буоллулар хор коллектива «Тыыннаахтар умнубат сыллара», Евдокия Ларионова, Виталий Никифоров, Оригинальнай жанр «Туундараҕа саас кэллэ», «Тэтим» үҥкүү бөлөҕө «Синий платочек»үҥкүү толоруутугар буоллулар, I -Тыыллыма нэһилиэгин уус – уран самодеятельность кэнсиэрэ 4,16 баалынан сыаналанна.

Ити курдук, эстафетабыт алгыстаах айана биһиги нэһилиэкпитигэр түмүктэннэ. Тэрийсибит, кыттыбыт бар-дьоммуттугар улахан махталбытын биллэрэбит💐💐💐