Муус устар 30 күнүгэр Д.Ф.Ходулов аатынан култуура киинигэр, ыам ыйын 2 күнүгэр А.М.Алексеев аатынан культура дьиэтигэр Улуу кыайыы 80 сылыгар анаммыт биир дойдулаахпыт Аҕа дойду сэриитигэр дьоруойдуу олоҕун толук уурбут артиллерист Алексей Ефремов туһунан Д.Ф.Ходулов аатынан норуодунай тыйаатыр уонна А.М.Алексеев аатынан культура дьиэтин иһинэн үлэлиир театральнай коллектив кыттыылаах «Таайым — Дьоруой» биографическай спектакль көрдөрдүбүт. Бу испиктээкили режисердаан туруорда Майатааҕы Д.Ф.Ходулов аатынан култуура киинин режисера Данил Осипов, Наталия Гаврильевна Пахомова испиктээк сценариһа.
Ефремов Алексей Афанасьевич — Аҕа дойду сэриитин кыттыылааҕа.
1919 с. I Тыыллыма нэһилиэгэр Күрүө Таас диэн сиргэ төрөөбүтэ.
1938 с. Арҕаа Табаҕа оскуолатыгар онтон Дьокуускайка НКВДга сулууспалаабыт.
1939 сыл атырдьах ыйын 27 күнүгэр армияҕа ыҥырыллан Дальнай Восток 6820 №-дээх байыаннай чааһын 32-с стрелковай полкатыгар артиллерийскай расчет хамандыыра буолар.
От ыйыгар 1941 сыллаахха стрелковай полката Подмосковияҕа тиийэр. Атырдьах ыйыгар Можайскай райоҥҥа тиийэн оккупаннары кытта сэриилэһэр.
Алексей Афанасьевич алтынньы 14 күнүгэр Бородинотааҕы кыргыһыыга дьоруойдуу охтубута. Бу кыргыһыыга Алексей өстөөх аҕыс тааҥкатын умаппыт.
Испиктээкили бу ссылканан киирэн көрүн «Таайым — «Дьоруой»» https://rutube.ru/video/09ffd440e209a08cb88beaf2b0631a14/
