Алтынньы ый 1 күнүттэн I Тыыллыма нэһилиэгэр Аҕам саастаахтар декадалара буолан ааста. Декада чэрчитинэн араас тэрээһиннэр ыытылыннылар. Үгэс быһыытынан, нэһилиэк тэрилтэлэрэ, ытык кырдьаҕастарбытыгар махтанан, эҕэрдэлээн туран оҕуруот аһын арааһын, булт-алт, сир аһын эгэлгэтин, соҕотох олорор кырдьаҕастарга бурдук ас дэлэгэйин бэлэх ууннулар. Маннык тэрээһиннэр үтүө дьоммутугар өйөбүл буолара саарбаҕа суох. Кырдьаҕастарбыт махтанан, үөрэн-көтөн, алгыс тылларын утары ууннулар. Олохтоох библиотекабыт үлэһитэ аҕам саастаарга анаан «Толкуйдаа, оонньоо, кыай» интелектуальнай оонньуу ыытта. Аркадий Алексеев аатынан культуура дьиэтигэр декаданы түмүктүүр биэчэрбитигэр аҕам саастаахтарбыт кэлэн олуһун диэн сынньанан, оонньоон, үҥкүүлээн бардылар.
