Тохсунньу ый 28 күнүгэр Аллараа Бэстээх киэҥ саҥа, сырдык уораҕайыгар улууспут култууратын салалтата Мэҥэ Хаҥалас улууһугар култуурабыт сылын үөрүүлээх арыллыытын үрдүк таһымнаахтык тэрийэн ыытта. Бу күҥҥэ үлэлии сылдьар биир идэлээхтэрбит уонна өр кэмҥэ үлэлээбит, ытыктыыр, холобур оҥостор ветераннарбытын ыҥыран үөрэ — көтө бу күнү атаардыбыт. Тэрээһин күн бастакы хаамыытынан 2026 сылга тэриллэр уопсастыбаннай суолталаах тэрээһиннэри тэрийэн ыытыыга, улуус бары култуура тэрилтэлэрин икки ардыларыгар, тус үбүлээһини ылыыга анаммыт социокультрнай бырайыактары көмүскээһин буолла. Бииртэн биир олус интириэһинэй бырайыактары көрдүбүт иһиттибит, уопсайа 27 бырайыак кытынна, кыайыылаахтары күн иккис хаамыытыгар тэрээһин үөрүүлээх чааһыгар биллэрдилэр, биһи А.М.Алексеев аатынан култуурабыт дьиэтин бырайыага кыайыылаахтар быыстарыгар киирэн үөрүүбүт муҥура суох. Култуура сылыгар барыбыт үлэбит таһаарылаах буоллун.
Мэҥэ Хаҥалас киэн туттуута — кыайыыга кынаттыыр култуурата!