КУЛУН ТУТАР 28 күнүгэр нэһилиэкпитигэр кыһыны атаарыы буолан ааста. Чуолаан оҕолорго күрэхтэри, оонньуулары ыыттыбыт. Оҕолор каникуллара түбэһэн үөрэн-көтөн сибиэһэй салгыҥҥа оонньоон, астына күрэхтэһэн бардылар. Бу сааскы бырааһынньыгынан эҕэрдэ тылларын, ылбаҕай ырыаларын Виталий Никифоров уонна Виктория Дмитриева бэлэхтээтилэр. Ону тэҥэ атыы- эргиэн дьаарбаҥката тэрилиннэ. Буоларын курдук сылын аайы кыһыны атаарыы сиэринэн сайыммыт өлгөм үүнүүлээх, астаах буоллун диэн Маслена чуучулатын уматан күммүтүн түмүктээтибит.