Үрүҥ тунах ыһыах I Тыыллыма нэһилиэгэр

Улуу кыайыы 80 сылыгар, Мэҥэ Хаҥалас төрүттэммитэ 95 сылыгар, Манчаары Баһылай 220  сылларыгар анаммыт 1 Тыыллыма нэһилиэгин Үрүҥ Тунах ыһыаҕа бэс ыйын 14 күнүгэр ыытылынна.

Халлааммыт төһө да сөрүүн, былыттаах буоллар, түһүлгэҕэ тоҕуоруһа мустубут нэһилиэкпит олохтоохторун уонна ытык — мааны ыалдьыттарын ыһыах үөрүүлээх аһыллыыта болҕомтотун күүскэ тарта, Эрэкэ-Дьэрэкэ оҕолор мэниктии үҥкүүлээн, кынталдьыһа кыталык кыргыттар кэрэ нарын үҥкүүлэринэн,  түптэ буруонан түһүлгэни ыраастаан, Үрдүк Айыыларга сүгүрүйэн, I Тыыллыма нэһилиэгин сиригэр-уотугар өбүгэ сиэринэн уот иччитин Хатан Тэмиэрийэни арыылаах алаадьынан, уохтаах кымыһынан күндүлээн Виталий Никифоров алгыһынан ыһыахпыт арылынна, бар дьоммутун арыылаах алаадьынан, чороонноох быырпаҕынан күндүлээтилэр.

Ыһыахпыт торжественнай чааһын Сочиттан кэлбит ыалдьытпыт Ломтука кийиитэ, Владимир Путин аатынан Всероссийскай бириэмийэ хаһаайката, 2015 Мисс Юнеско, Саха Республикатын Виртуоз Хомусчута Пепе Анастасия «Уһуктуу» хомуһунан арыйда.

Үбүлүөйдээх сылларынан I Тыыллыма нэһилиэгин Аҕа баһылыга Руслан Васильевич Афанасьев эҕэрдэ тыл эттэ уонна махтал суруктары, грамоталары туттарда, Раиса Степановна Назарова,  Макар МакаровичНазаров, Петрова Татьяна Семеновна уонна Попов Владимир Маевич I Тыыллыма нэһилиэгин бочуоттаах олохтоохторо буоллулар. Улуу Кыайыы 80 сылыгар «Мэҥэ Хаҥалас оройуона Аҕа дойду Улуу сэриитин сылларыгар 1941-1945 сс.» 34 туомнаах кинигэ бэчээттэнэн тахсарыгар олохтоох библиотека үлэһитигэр Иванна Ивановна Назароваҕа, нэһилиэктэн үлэлэспит дьоҥҥо Ксенофонтова Екатерина Николаевнаҕа, Борисова Вилюяна Васильевнаҕа, Егорова Евдокия Павловнаҕа, Колесова Ольга Васильевнаҕа, Алексеева Татьяна Ивановнаҕа, Никифорова Александра Владимировнаҕа, Кривогорницына Оксана Гаврильевнаҕа, Кривогорницына Матрена Петровнаҕа Алексеев Петр Петровичка Мэҥэ Хаҥалас улууһун баһылыгын Дмитрий Иванович Тихонов уонна I Тыыллыма нэһилиэгин баһылыгын Руслван Васильевич Афанасьев махтал суруктарын туттардылар.

Саха Республикатын физическай культуратын уонна спордун үтүөлээх үлэһитэ, Мэҥэ  Ханалас улууһун ытык киһитэ, Педагогическай наука кандидата Юрий Петрович Баишев биир дойдулаахтарын кэлэн Уйгу -быйаҥ ыһыаҕынан эҕэрдэлээтэ

Бу күн үөрэммит оскуолаларыгар 1995 сыллаах I Тыыллыма нэһилиэгин выпускниктара 30 сыллаах юбилейдарынан махтанан туран  30000 тыыһынчалаах » Прогресс» маҕаһыынтан спортивнай инвентарьга сертификат бэлэхтээтилэр.

Нэһилиэкпит олохтоохторугар, ыраахтан-чугастан кэлбит ыалдьыттарбытыгар анаан ырыа ылланна алгыс тыллар этилиннилэр ол курдук «Нуһараҥ», «Көлүкэчээн» ырыа ансаамыллара, Евдокия Ларионова, Ольга Ларионова, Леонид Винокуров, Николай Лыткин ырыаларын иһиттибит, саха аатырбыт мелодиһа, ырыаһыт, общественнай деятель, Саха Республикатын бочуоттаах олохтооҕо Аркадий Михайлович Алексеев нэһилиэк олохтоохторун эҕэрдэлээтэ, ыҥырыылаах ыалдьыппыт Сиэйэ Уола ылбаҕай ырыаларын бэлэхтээтэ. Кэнсиэр кэннэ саха таҥаһын көрүү «Саха саргылаах таҥаһа» куонкурус буолла.

Саргылаах Ыһыах сандал түһүлгэтигэр, сиэттиһэн киирэмми дьиэрэйбэхтиир эһиэкэйи эргитиэҕин сэгэрдэр, ойор күннээх оһуохайы олохтуоҕун до5оттор диэн ыҥыран, дьонун сэргэтин  оһуохайдатта Саха Республикатын Дархан этээччитэ, Туймаада ыһыаҕын оһуохай күрэҕин 2022 Кылаан Кыайыылаҕа Виталий Никифоров.

Кырачаан оҕолорбутугар сүүрүү уонна мас тардыһыы күрэҕин ыыттыбыт ол курдук мас тардыһыытыгар 1 миэстэни ылла Васильев Миша, 2 миэстэни ылла Никифоров Давид, 3 миэстэни ылла Попов Эрсан, уолаттарга сүүрүүгэ 1 миэстэ буолла Васильев Мичил, 2 миэстэ буолла Никифоров Давид, 3 миэстэ буолла Попов Эрсан. Кыргыттарга сүүрүүгэ 1 миэстэ буолла Аргунова Айыына, 2 миэстэ буолла Пинигина София, 3 миэстэ буолла Васильева Мичийэ.

Быйылгы ыһыахпыт улуу Кыайыы 80 сылыгар ананар онон сиэттэрэн быйыл биһиэхэ быыппастар былчыннаахтарын, быһый атахтаахтарын, эриллэҕэс иниирдээхтэрин, сылбырҕа сымсаларын быһаарар  «Күүстээх Бүөтүккээн оонньуулара» саха дэгит күрэҕэ буолан ааста.

Махталбытын биллэрэбит биһиги меценаттарбытыгар, Добун бириис туруорбут биир дойдулаахпытыгар, Улуу Тоҕойтон төрүттэрдээх, күүстээх Бүөтүккээн аймах уола Федоровтар аҕа уустарын ыччата, Нөмүгү Хлебозавод Төрүттээччитэ, Аан дойду ону тэҥэ Россия Хапсаҕай Федерациятын президеныгар, Россия боевой исскуствоҕа Председателигар, Шашка Федерациятын Россияҕа Вице президеныгар, Нөмугу нэһилиэгин бочуоттаах олохтооҕор, Хаҥалас улууһун бочуоттаах олохтооҕор, Мэҥэ Хаҥалас улууһун Дьабыл нэһилиэгин бочуоттаах олохтооҕор  Вячаслав Анатольевич Нестеровка 150000 тыыһынча уу харчыннан уонна биир убаһа бириис туруорбутун иһин ону тэҥэ бириис туруорбут биир дойдулаахтарбыт Саха Республикатыгар биллэр көстөр биһиги киэн туттар урбаанньыттарбытыгар Сир баайын хостуур ООО «Монолит» тэрилтэ Генеральнай Директорыгар Захар Николаевич Яковлевка 50000 тыыһынча уу харчынан бириис туруорда, тутуу хааччахтаммыт ООО «Алан» тэрилтэ Генеральнай директорыгар Алексей Вальеревич Александровка 30000 уу харчынан бириис туруорда, биир дойдулаахпыт Саха Сирин Тутуу союһун Президеныгар Михаил Филиппович Охлопковка 50000 тыыһынча уу харчынан бириис туруорбутун иһин, Саха Саарыннарыгар улахан убайдарбытыгар махтал тиэрдэбит.