Сэтинньи ый 27 күнүгэр А.М.Алексеев аатынан култуура дьиэтигэр Виталий Никифоров туруоруутугар «ИНИ-БИИ» испиктээк үрдүк таһымҥа буолан ааста. Бу күн заалга толору көрөөччү кэлэн артыыстар олус үөрэн, долгуйан оонньоотулар. Испиктээкили көрө кэллилэр ыҥырыылаах ыалдьыттарбыт Мэҥэ-Хаҥалас улууһун культуура салалтатын сүрүннүүр исписсэлииһэ Наталия Гаврильевна Пахомова ону тэҥэ Саха Республикатын культуратын туйгуна, Майатаа5ы “Көөчөөн-көрө” көр-күлүү театрын директора Охлопкова Анна Иннокентьевна. Испиктээккэ сүрүн оруолларга Михаил Иванов — Дьулустаан Дмитриевич Павлов, Николай Иванов — Александр Петрович Дайбанныров оруолларын толордулар, ону тэҥэ Варвара ийэ – Надежда Диктовна Ларионова, улуус кулубатын Егор Егорович – Виктор Иннокентьевич Корякин, Михаил Бадин кыһыл этэрээт командира – Александр Петрович Алексеев, Петр Семенов кулуба уола – Алексей Николаевич Роббек, комсомолец Пистолет – С.З.Борисов аатынан орто оскуола үөрэнээччитэ Миша Скрябин, Спиридон Атласов тыа олохтоох оҕонньоро – Дмитрий Петрович Павлов, үрүҥ саллаата – Дьулустан Филиппович Захаров, Катя гимназиска – Иванна Ивановна Назарова, таҥас сууйааччы эмээхсин – Пинигина Елена Александровна оонньоотулар. Көрөөччүлэр күлэн-үөрэн сэҥээрэн, астына-дуоһуйа тарҕастылар, инникитин даҕаны өссө үчүгэй көрдөрүүлэри кэтэһэллэрин биллэрдилэр, махтаннылар. Бары кыттыбыт артыыстарбытыгар улахан махталбытын тиэрдэбит, өссө даҕаны талааҥҥыт арыллан, көрөөччүнү сэҥээрдэр, угуйар үлэлэр тахсан истиннэр.
