I Тыыллыма нэһилиэгэр Гаврил Васильевич Никифоров төрөөбүтэ 155 сылыгар аналлаах үбүлүөйдээх ыһыах буолан ааста

Саха омуга үгүс үйэлэри уҥуордаан кэлбит, сүрэҕэр-быарыгар чугастык туппут, айылҕалыын алтыһан этэ-хаана чэпчиир, кута-сүрэ ыраастанар сүрүн бырааһынньыгынан Үрүҥ тунах ыһыах буолар, I Тыыллыма нэһилиэгэр бэс ыйын 13 күнүгэр сахалартан 1 Гилдьиялаах атыыһыт, меценат, Император советнига Гавриил Васильевич Никифоров төрөөбүтэ 155 сылыгар аналлаах үбүлүөйдээх Үрүҥ тунах ыһыах буолан ааста.

Бу күн Лоомтука бөһүөлэгин олохтоохторо, ыалдьыттара мустан чугас дьоннорун, аймахтарын, доҕотторун кытта алтыһан, түһүлгэлээн үөрэ-көтө  бырааһынньыктаатылар. «Гавриил Васильевич Никифоров-Манньыаттаах Уолун олоҥхоҕо хоһуйуохха» күрэс кыттыылаахтара сарсыарда эрдэттэн олоҥхолоон саҕалаатылар. Түһүлгэ ыалдьыттарын киирии ааҥҥа үгэскэ кубулуйбут ыһыах сиэрин-туомун тутуһан, саламанан киэргэтэн,  үрүҥ халадаайдаах, дэйбиирдээх кыргыттар ыалдьыттары  көрүстүлэр, Манньыаттаахтар сыдьааннара, уруйдаан-айхаллаан сэлэлии хааман киирдилэр, уонна дьэ ыһыах саҕаланыыта сахалыы сиэринэн Олоҥхо дьиэтин үлэһитэ, Алгысчыт Денис Оконешников аал уоту оттон, алгыс тыл этэн, алаадьылаах кымыһынан айах тутан күндүлээн Айыылартан көрдөстө.

Алгыс кэннэ Саха тыйаатырын артыыстара үөрүүлээх ыалдьыт буолан кэлэннэр Баһылай Харысхал суруйуутунан, Андрей Саввич Борисов туруоруутунан “Хайаан да эргиллиэм” испиктээкилтэн көрдөрдүлэр

1 Тыыллыма нэһилиэгин Аҕа баһылыга Руслан Васильевич Афанасьев эҕэрдэ тыл эттэ, бэлэхтэри туттартаата, Ыҥырыылаах ыалдьыттарбыт нэһилиэкпит олохтоохторун, ыалдьыттарын эҕэрдэлээтилэр Саха Өрөспүүбүлүкэтин култуураҕа миниистирэ, биир дойдулаахпыт Афанасий Иванович Ноев,  Мэҥэ Хаҥалас улууһун капитальнай тутуу управлениятын начальнигын солбуйааччыта, 1 Тыыллыма нэһилиэгин куратора Сахаяна Федоровна Сергучева, СӨ Гражданскай оборона уонна нэһилиэнньэ олоҕор – дьаһаҕар куттал суох буолуутун хааччыйар министерство Министра, нэһилиэк попечителя Лепчиков Дмитрий Николаевич, Саха Өрөспүүбүлүкэтин национальнай эпоһы харыстыыр уопсастыбаннай тэрилтэ Президена, Саха Республикатын үөрэҕириитин туйгуна Февронья Васильевна Шишигина, Саха Өрөспүүбүлүкэтин, Россия Федерациятын үтүөлээх артыыһа Анатолий Павлович Николаев, Хоту Тент Генеральнай Директора Махатыров Афанасий Спиридонович, Мэҥэ Хаҥалас улууһун култуураҕа уонна духуобунай сайдыыга салалтатын салайааччыта Анна Руслановна Исакова, Саха Өрөспүүбүлүкэтин физическай культура уонна спордун үтүөлээх үлэһитэ, Мэҥэ Хаҥалас улууһун, 1 Тыыллыма нэһилиэгин бочуоттаах олохтооҕо, Педагогическай наука кандидата, нэһилиэк попечителя Юрий Петрович Баишев, Манньыаттаахтар сыдьааннарыттан Саха Өрөспүүбүлүкэтин үөрэҕириитин туйгуна Иванова Марианна Николаевна

Атыыһыт Байбал сыдьаанарыттан Амма Долгуннара, Дайар Дорҕооннор Саха Сирин Айар түмсүүлэрин Салайааччытын, Саха Республикатын көҥүл суруйааччыларын Ситим Сойуус кыттыылааҕын  Евдокия Николаевна Увароваҕа — Чуохаана Чоргу бэйэтэ суруйбут хоһоонун дьон сэрии иһиттэ

Дьэ уонна түһүлгэлэринэн аймахтар олорон эбиэтээн сынньанан баран «Гавриил Васильевич Никифоров-Манньыаттаах Уолун олоҥхоҕо хоһуйуохха» күрэс иккис түһүмэҕин көрдүлэр, иһиттилэр. Олоҥхоһуттар Гавриил Васильевиһы кини олоҕун туһунан сорудахтары талан тута хоһуйууга кииристилэр.

Спорт түһүлгэтигэр оҕолорго уонна улахан дьоҥҥо сүүрүү, саха спордун төрүт көрүҥнэригэр күрэхтэһиилэр ыытылыннылар

Саха маанылаах таҥаһын куонкуруһугар үһүс миэстэни Тимофеева Марфа Васильевна сиэнинээн Сахаялыын ыллылар, иккис миэстэ Чабыкиннар дьиэ кэргэн буоллулар уонна бастакы миэстэни Кривогорницына Матрена петровна дьиэ кэргэнинээн ыллылар

Толбоннурар уһун суһуох куонкуруска үһүс миэстэни Тимофеева Айна ылла, иккис миэстэ Дмитриева Күннэй буолла, бастакы миэстэ саамай уһун суһуохтаах Кириллина Евангелина буолла

«Гавриил Васильевич Никифоров-Манньыаттаах Уолун олоҥхоҕо хоһуйуохха» икки күннээх ыччаттарга уонна оҕолорго олоҥхо куонкуруһун Саха Өрөспүүбүлүкэтин култууратын туйгуна, олоҥхоһут, Дархан оһуохайдьыт Никифоров Виталий Витальевич үрдүк таһымҥа тэрийэн ыытта. Бастакы түһүмэҕэ бэс ыйын 12 күнүгэр олоҥҥхоһуттар бэйэлэрин олоҥхолорун толордулар, иккис түһүмэх Манньыаттаах Уолун төрөөбүтэ 155 сылыгар аналлаах ыһыахха буолла, бу күн олоҥхоһуттар Гавриил Васильевиһы, кини олоҕуттан бэриллибит сорудахтары талан ылан тута хоһуйдулар. Дьүүллүүр сүбэҕэ үлэлээтилэр Саха Өрөспүүбүлүкэтин Олоҥхо ассоцияциятын Президена, Саха Өрөспүүбүлүкэтин үөрэҕириитин туйгунуга Феврония Васильевна Шишигина, Саха Өрөспүүбүлүкэтин култууратын туйгуна, эбии үөрэхтээһин үрдүкү категориялаах педагога, оҕону олоҥхоҕо уһуйуу маастара  Наталья Иннокентьевна Мордовская, Саха Өрөспүүбүлүкэтин култууратын туйгуна, Мэҥэ Хаҥалас улууһун култураҕа салалтатын Информационнай методическай киинин салайааччыта Сосина Галия Артемовна. Бары да олоҥхоһуттарбыт уран тыллаах-өстөөх ыччаттар мустубут буолан этэн-тыынан элбэх саҥа толкуйдары үөскэттилэр Быйылгы күөн-күрэххэ бары да ааттаах-суоллаах, улахан күрэхтэр кылаан кыайыылаахтара илин-кэлин түсүһэн сүрдээх тыҥааһыннаах олоҥхону толоруу буолла, түмүккэ:

Оҕолорго муҥутуур Кылаан Чыпчаал кыайыылаах аатын Нам улууһуттан Мордовской Юра ылла, салайааччы Куличкина — Цыпандина Вера Прокопьевна, 1 добун сурук — Мэҥэ Хаҥалас, Аллараа Бэстээх бөһүөлэгиттэн Дмитриева Күннэй Анатольевна , салайааччы Степанова Аксинья Николаевна, 2 добун сурук — Нам улууһуттан Шадрина Эвилья, салайааччы Куличкина -Цыпандина Вера Прокопьевна буолла

Ыччат олоҥхону толорооччуларга муҥутуур Кылаан Чыпчаал кыайыылаах аатын ылла Мэҥэ Хаҥалас улууһуттан Станислав Иванов, 1 добун сурук — Анастасия Алексеева, 2 доун сурук — Горнай улууһуттан Винокуров Айтал Николаевич, 3 добун сурук — Бүлүү улууһуттан Шамаева Сайыына

ону таһынан анал ааттары түөрт олоҥхоһут ылла Аммосова Марфа, Никифоров Егор, Петухова Диана, Шамаева Нарыйа.